Detained karon sa custodial facility sang Binalbagan PNP ang isa ka incumbent nga barangay kagawad kag tatlo ka iban pa matapos gindakup sa buy-bust operation sa Sitio Pucatod, Barangay Payao sa banwa sang Binalbagan.
Kahapon, ginpasakaan sang kaso nga pagsupak sa Republic Act 9165 ukon Comprehensive Dangerous Drugs Act of 2002 ang kagawad nga si alyas “Humphrey”, 39-anyos kag mga kaupdanan sini nga sanday alyas “Tyron,” 44-anyos; alyas “Ronir”, 48-anyos kag alyas “Richard”, 33-anyos.
Nakuha sa ila ang 70 gramos sang suspected shabu nga nagabalor P476,000.
Ginsiling ni Police Captain Joelan Vinson, ginpaidalum sa urine test ang mga gindakup kag base sa resulta, sila ang nag-positibo sa pag-gamit sang illegal nga droga.