Banwa sang San Enrique ang ginpaidalom na sa state of calamity kasunod sang kahalitan sa pananom kag palangabuhian tuga sang El Nino phenomenon.
Suno kay Mayor Jilson Tubillara, sa isa ka special session, Lunes sang aga, gin-concur sang Sangguniang Bayan ang rekomendasyon sang Municipal Disaster Risk Reduction Management Council ang pag paidalom sa banwa sang state of calamity.
Suno kay Tubillara tigayon na nga magamit sang banwa ang pondo sini para mabuligan ang mga apektado nga pumuluyo. Plano nga maghatag suno sa iya sang financial assistance sa mga mangunguma pero pat-uron pa ang kantidad. Ginsiling ni Tubillara nga napulo ukon ang kabilugan nga mga barangay sang banwa ang apektado sang tuman nga kainiton. Ang kahalitan sa agrikultura nagdangat na sa 9,951,589.70. Ini ang nagalakip sang kahalitan sa humayan kag tubo nga yara sa 7,458,547.70 kag fisheries nga yara sa 2,493,042.00 pesos. May 6,000 ka mga pamilya nga apektado sang sitwasyon labi na ang ila nga palangabuhian. Padayon naman ang water rationing sa mga barangay nga ang tubig nag ninit na.
“May gina tun-an ang agriculture kun ano bulig namon.
(usaron nyo na mayor ang inyo calamity fund mayor?) part of it. (manghatag kamo mayor cash assistance or ano nga assistance ihatag sa affected mayor?) cash assistance. Si Governor mahatag man. (pero halin sa calamity fund mahatag kamo assistance?) yes”, suno kay Tubillara.