Banwa sang Ilog ang na de-escalate sa Alert Level 1 sumugod Hulyo 16 tubtob 31. Sa karon, 13 na ka mga banwa kag siudad sa Negros Occidental lakip na Bacolod City ang yara sa Alert Level 1.
Sa gin pa gwa nga pahayag sang Department of Health, nagapabilin sa alert level 1 ang Bacolod City kag alert level 2 naman ang Negros Occidental.
Suno sa DOH na de-escalate ang Ilog sa alert level 1 bangud nga malapit na ini sa vaccination threshold para sa target general population sini kasubong man sa mga senior citizen.
Nagapabilin sa Alert Level 1 ang La Carlota, EB Magalona, Pulupandan, San Enrique, Sagay, Victorias, Candoni, Cadiz, Talisay, Pontevedra, kag Valladolid.
Nag papanaog sang direktiba si Presidente Ferdinand Marcos, Jr sa pag pabilin sa karon sang Alert Level System.