CAFGU patay matapos gintiro sang iya commanding officer bangud sang gina alegar pagpangimon.
Patay ang isa ka miyembro sang CAFGU nga naka base sa Bayawan City, Negros Oriental matapos nga gintiro sa ulo sang iya mismo nga commanding officer.
Suno kay Punong Barangay Juan John Alcantara sang Brgy. Nangka, sa nakuha nila nga impormasyon ginhingagaw pa dala sa ospital ang 22 anyos nga biktima nga si Ariel Nava apang gindeklarar ini nga dead on arrival.
Boluntaryo nga nag-surrender sa PNP ang suspek nga commanding officer suno pa sa kapitan.
Istorya sang mga residente malapit sa natabuan sang insidente naga saulog sang iya birthday ang suspek kag may inum-inum sa sulod sang ila detachment.
Hinali na lang nakabati sang tatlo ka sunod-sunod nga lupok ang mga residente malapit sa lugar.
Sa pahayag sang pamilya sang biktima, gina pangimunan siya sang ila commanding officer kag gina painitan kag gintiro.