Duha ka persona ang patay kag isa naman ang pilason matapos mabungguan sang truck nga kargado sang tubo ang isa ka canter kag ang tricycle sang Biyernes sang gab-i sa Barangay Tabao Rizal sa banwa sang San Enrique.
Sa imbestigasyon sang San Enrique PNP,nag lupok ang goma sang truck nga gina maneho ni Joshua Junsay samtang naga biyahe ini sa highway kabangdanan sang pag bunggo sini sa isa ka canter. Naglabog ang pasahero sang canter nga si Joleto Villahermosa.
Sunod nga nabungguan sang truck amo naga sunod sa canter nga tricycle nga gina dala naman ni Hermie Hadia.
Pareho nga dead on arrival sa ospital si Villahermosa kag Hadia samtang ginabulong naman sa ospital ang truck driver nga si Junsay.
Magluwas sa pagbunggo sa canter kag motor, nag rekta pa sa duha ka balay sa kilid sang dalan ang truck nga nag resulta man sang pag kaguba sang duha ka balay.
Wala naman sang may nasamaran sa pag bunggo sa mga balay.