Nasapwan kaina sang aga sang nagabantay sa Kabankalan Public Cemetery ang bangkay sang isa ka 67 anyos nga babayi nga yara na sa gwa sang pantyon kag lungon kag wala naman ini sang panapton.
Suno kay Lt. Col. Raymond Cruz, hepe sang Kabankalan PNP kahapon lang sang hapon gin lubong ang lola kag posible kagab-i ukon kaina sang kaagahon natabo ang insidente.
Isa sa gina lantaw motibo suno sa pulis amo nga mahimo nagpangita sang malahalon nga mga butang sa lawas sang bangkay ang mga suspek apang gin hambal man sang pamilya nga wala sang iban pa nga unod ang lungon.
Indi pa man mahambal suno sa pulis kun bala gin himuslan man ang bangkay sang lola.
Gin usisa na ini sang SOCO kag padayon man ang imbestigasyon sang Kabankalan PNP.