Lapsag nga babaye nakutkotan sang mga kabataan sa wayang.
Nagahampang sang boga ang pila ka mga pamatan-on sa wayang sang Purok Lubi sa Barangay Handumanan sang ila makita ang isa ka babaye nga may upod nga lalake nga naglubong sang karton nga naputos sa plastic.
Ang dumdom sang dose anyos nga aton lang ginhingadlan nga si Dante, posible ido ang ginlubong sang duha ka mga persona nga madasig man nalagyo sakay sa motorsiklo.
Gani sang ila ini ginkutkot nakibot kag ginkulbaan sang maukayan ang duguon nga patay nga lapsag nga babaye.
Malapit lang sa kilid sang simbahan ang wayang kag yara lang man sa unhan ang talatapan sang Police Station 10.
Suno kay Police Captain Lelanie Lagoting, commander sang Police Station 10, mahimu nga residente lang man sa lugar ang iloy nga nagbun ag sang lapsag.
Ginpalubong na sang kapulisan kag barangay ang lapsag.
Nagapangabay man ang mga otoridad sa iloy sang lapsag nga magsurender.