Matapos ang anom ka adlaw, nakita na ang pasahero nga naglumpat sa barko sang nagligad nga Biyernes sa Sipaway Island sa San Carlos City.
Ginkilala ang amo nga persona kay alias Jessie, 45-anyos sang Barangay General Luna sa Sagay City.
Suno sa coast guard sa San Carlos City, mga 700 metros ang kalayuon sang area nga nasapwan ang bangkay sa lugar kun sa diin siya naglumpat.
Yara pa sa lawas sang biktima ang iya sini nga bag kag may birth certificate pa ini nga dala.
Damlag pa nagpanugid na ang pamilya ni Jessie sa coast guard nga naga batyag siya sang depression nga mahimo amo ang nangin kabangdanan sa iya paglumpat gikan sa barko samtang naga biyahe ini sa baybayon sang San Carlos pakadto sa Cebu.*
[sibwp_form id=1]