Nasapwan na lamang sa kilid sang dalan ang bangkay sang isa ka lalaki sa Barangay Efigenio Lizares, Talisay City, mgapasado las sinko sang kaagahon.
Suno kay Police Major Wilfred Benoman, Jr., deputy chief sang Talisay PNP, may nagpahibalo na lang sa ila nga may nakit-an nga bangkay sang isa ka lalaki sa amo nga lugar.
Gina bulubanta nga naga pang edaron ang biktima sang 60 anyos.
Suno kay Benoman, naka panugi ang mga residente malapit salugar nga nakabati sila sang duha ka mga lupok kaina sang kaagahon.
May pilas sa ulo ang biktima pero indi pa matumod sang puliskun bala tuga ini sang bala ukon patalom.
Dugang pa sang pulis, base man sa panaysayon sang mgaresidente nga ang biktima ang gina alegar nga may deperensyasa pamensaron kag masami nga makit-an nga naga panglakatonsamtang gina istorya ang iya nga kaugalingon.
Usisaon man sang PNP kun bala sa amo mismo nga lugarginpatay ang biktima ukon gnbilin lang siya sa area.
Ang biktima ang puti ang buhok, nagasuksok sang itom ngabayo kag jacket, naka itom nga delargo kag itom man nga rubber shoes kag medyas.
May dala man siya nga green nga face towel.
Sa karon nagapanawagan ang Talisay PNP nga magpadulonglang sa ila opisina ang luyag mag kumpirma sa identity sang biktima.