Bangkay sang lalaki nasapwan sa baybayon sang Banago kaina sang aga.
Wala pa sa gihapon makilal-an ang bangkay sang lalaki nga nasapwan naga utaw-utaw sa baybayon mga 400 metros gikan sa takas sang Purok Bayanihan, Barangay Banago kaina sang aga. Suno kay Punong Barangay Arnel Baldo Benjamin, mga mangingisda ang naka kita sa bangkay. Posible nga residente sang iban nga barangay ang amo nga persona bangud wala may naka kilala sa iya sa barangay Banago.
Ang biktima ang nagasuksok sang itom nga tshirt kag pajama, laba ang buhok, ginabulubanta naga edad 30 anyos kag 5’5 ang height.
Wala pa sa advanced state of decomposition ang bangkay.
Ginapanawagan sang punong barangay ang kung sin-o man may missing nga himata nga magpadulong sa Police Station 3.