Nasulod sa plastic ang isa ka baby girl nga bag-o lang gid nabun-ag sang nakit-an sang isa ka residente sa Purok Kaburihan, Barangay Estefania sa siudad sang Bacolod kaina sang udto.
May inunlan kag preska pa ang pusod sang lapsag nga ginabulubanta 7 tubtob 8 pa lang ka bulan.
Ginpakamaayo sang Police Station 4 kag Barangay Health Workers sang Estefania nga isulod ang lapsag sa karton kag gindala sa simbahan agud mabendisyunan antes ginlubong sa Barangay Granada Public Cemetery.
Suno sa imbestigador sang Police Station 4, wala sang may nakakita sa lugar kung sin-o ang naghaboy sa lapsag.
Samtang, kahapon nga adlaw, may isa ka nagakaagnas nga bangkas sang babayi ang nasapwan sa bakante nga lote sa Sofia Gonzaga Avenue, Barangay Estefania.
Bangud nga nagakadunot na ang bangkay, may kabudlayan ang otoridad sa pag-identify sa biktima, nga ginabulubanta 5’3” tubtob 5’4” ang kataason.
Wala naman sang may na-record nga missing person sa area sang Station 4, apang sila ang nagapakig-angut sa iban nga police stations kun may tawo nga na-report nga nadula sa ila nga mga areas.