Wala anay ginatugutan ang pagkadto sa Bambi Falls sa Barangay Biao sa Binalbagan bangud sang landslide.
Sa advisory nga ginpagwa sang Local Disaster Risk Reduction Management Office, indi anay pwede maka kadto sa Bambi Falls.
May nagluntad nga landslide sang kahapon sa dalan pakadto sa busay gani indi malabyan ang dalan.
Ang LDRRMO personnel ang nagpadulong na sa lugar para ma assess ang area nga apektado.
Suno pa sa advisory naga padayon ang landslide kay may na obserbahan nga pag humok sang duta gani delikado pa para sa mga turista.
Subong nga adlaw isa ka clearing operation ang ginpatigayon.
Nagapadayon ang road construction pakadto sa busay.
May gamay na lang gid nga porsyon nga talapuson kag damlag pa ginsiling na sang municipal engineer sang Binalbagan nga antes matapos ang tuig ginapaabot nga mahuman na ini.
[sibwp_form id=1]