Digicast Negros

Balik na sa 5 ka adlaw ang duty sang Capitol employees sumugod June 1

Sumugod Hunyo uno maga balik na sa five day work week ang probinsya sang Negros Occidental.

Suno kay Atty Rayfrando Diaz, ang provincial administrator ini ang na aprobahan na ni Governor Eugenio Jose Lacson kag ini ang kabahin naman sang pag balik na sa normal.

Gina lauman nga paagi sini mas mapadasig pa gid ang mga proseso labi na sa pag sabat sa mga kinahanglanon sang pumuluyo sa tunga sang pagpanghangkat sang pagmahal sang mga balaklon kag bisan pa sang produkto petrolyo.

Wala labot diri, paathag ni Diaz, ang pag report sang workforce sa lima ka adlaw ang kinahanglanon man sa compliance sang inventory sa plant, property and equipment sang gobyerno probinsyal nga gina hinyo sang commission on audit sa masunod nga tatlo ka bulan.

Ini ang naga lakip sang tanan nga gina panag-iyahan sang Negros Occidental lakip na ang mga nabaton paagi sa donasyon. May lima naman ka mga inventory teams nga iporma para diri.

Exit mobile version
Skip to toolbar