Duha ka bulan na ang nagligad matapos nga magpagwa sang isa ka resolution ang Sanguniang Panlungsod nga nagatugot sa mga tenants sang Asenso Market sa higad sang dalan sa boundary sang Barangay Alijis kag Taculing sa Bacolod City nga magkuha sang special permit.
Apang, sang Lunes, natukiban sang Bacolod City Legal Office nga wala sang bisan isa sa mga tenants ang naghikot sang ila nga special permit.
Ginserbehan na sang CLO sang final notice to voluntarily vacate ang 27 ka nga tenants nga nagapanag-iya sang 51 ka mga stalls sa nasambit nga lugar.
Ginsiling ni Atty. Karol Joseph Chiu, pamuno sang CLO, nga ila nalang ginahulat nga maghatag sang paathag ang mga vendors kun ngaa wala nila ginhikot ang special permit bisan sa duha ka bulan nga ginhatag sang siudad sa ila.
Dugang pa niya, iligal man ang pagpatukod sang permanent structures sa amo nga dalan bangud public road ini.
Damlag pa gin-grant sang SP ang resolution para sa amo nga mga vendors bangud sa rason nga may ara sila sang patigayunon nga Trade Fair humalin March 26 tubtob May 31 sini nga tuig.
Matapos nga maserbe ang notice, may pulo nalang ka adlaw ang mga vendors agud maghalin sa amo nga lugar.
[sibwp_form id=1]