Nagnubo ang residential rate sang Negros Power, Northern Negros Electric Cooperative kag Negros Occidental Electric Cooperative para sa bulan sang Mayo, tuig 2026.
Gin-anunsyo sang Negros Power nga P11.38 per kilowatt-hour ang ila average residential electricity rate sini nga bulan ukon may pagnubo sang masobra otsenta sentimos kada kilowatt-hour, halin sa P12.24 per kWh nga sukot sang tinalikdan nga bulan.
May piso kag setenta’y sais sentimos nga pagnubo naman ang sukot sang NOCECO. Sa sini nga Mayo, yara sa P11.45 per kWh ang rate sang NOCECO. Mas manubo ini kun ikumparar sa P13.21 per kWh sang Abril.
Samtang, duha ka pesos kag trenta’y otso sentimos per kWh ang nabuhin sa bili sang kuryente sang NONECO kon sa diin yara nalang ini sa P12.01 per kWH sini nga bulan.
Ang pagpatuman sang nationwide market suspension sang Wholesale Electricity Spot Market paagi sa Executive Order No. 110 amo ang nangin rason sang pagnubo sang presyo sang kuryente.
Sa nasambit nga EO nga ginpirmahan ni President Ferdinand Marcos Jr., gin-deklarar ang State of National Energy Emergency bangud sang disruptions sa global fuel supply kag nagasaka nga presyo sang gatong tuga sang tensyon sa Middle East.
Apang, sa pag-resume sang normal nga WESM operations, pila ka mga energy experts ang nagapaandam sang potential increases sa overall electricity rates sa masunod nga bulan.*
[sibwp_form id=1]