Digicast Negros

Balay Silangan reformation facility sa Bacolod gin inagurahan

City PIO photo

Gin inagurahan kahapon sang siudad ang Balay Silangan nga isa ka drug reformation center para sa mga drug surrenderers nga sadto anga duso sang iligal nga droga.

Ang duha ka panalgan nga proyekto nga naga balor sang lima ka milyon ka pesos ang yara nabutang sa likod sang Bacolod City Police Office kag ang siudad upod sang PDEA amo ang maga operate sini.

Suno kay Bacolod Mayor Evelio Leonardia, isa ang Bacolod City sa mga pilot city nga para sa sini nga proyekto kag kinahanglanon gid ini sang siudad suno sa alkalde bangud sa maga hatag ini sang second chance sa mga drug offenders.

Ang Balay Silangan ang mangin temporaryo nga puluy-an sang mga drug offenders tubtob handa na sila nga mag biya sa bisyo kag mag sunod sa mga layi.

Suno kay PDEA provincial director Nicolas Gomez, ang Balay Silangan ang para sa mga drug pushers nga nag surrender ukon nag untat na sa pag baligya pati na sa mga nadakpan na sadto kag karon naka gwa sa presuhan bangud sang plea bargain.

Magluwas sa Balay Silangan, gin pahayag man sang alkalde nga may gina construct karon sa Barangay Alijis nga rehabilitation center para man sa mga drug surrenderers nga nadalman sa iligal nga droga.

Exit mobile version
Skip to toolbar