Nakasulod na sa Philippine Area of Responsibility ang tropical storm nga si Surigae las 7 kaina sang aga kag gintawag na ini nga Queenie.
May kabaskugon ini nga 75-90 kph kag naga giho sa northwestward direction nga may kabaskugon nga 35kph.
Ang ikog sang bagyo ang naga dala sang ulan sa Eastern Visayas kag Caraga Region.
Mangin mainit ang panahon sa Metro Manila kag iban pa nga probinsya nga wala malab-ot sang ikog sang bagyo parehos sang Negros pero posible ang pagbubo sang ulan sa hapon ukon sa gab-i.
Indi mag landfall ang bagyo sa Pilipinas kag indi na sini mapabaskog ang Habagat.
Nagabaskog ang bagyo samtang naga giho kag posible magdangat sa Typhoon Category samtang naga palapit sa Taiwan.
Ginapaabot nga magwa na ini sa PAR sa Martes.
Ang Habagat naman ang magadala sang ulan sa Western nga porsyon sang Pilipinas nga naga lakip sang isla sang Negros sini nga weekend.
[sibwp_form id=1]