Sang kagab-i nakagwa na sa Philippine Area of Responsibility ang Bagyo nga Quedan.
May low pressure area nga ara sa gwa sang PAR kag gina paabot nga indi na ini mag develop sa isa ka bagyo pero ang trough sini ukon ang punta sini amo ang nagadala sang ulan sa Visayas.
Ang souhthwesterly flow naman ukon ang mainit nga hangin gikan sa Tropics ang naga dala man sang ulan kag pag panaguob sa Visayas kag Mindanao.
Mahimo nga mahinay ukon mabaskog ang dala sini nga ulan nga maka resulta sa pagbaha parehos na lang sang pag ulan sang kagab-i sa Bacolod nga nag resulta sa pagbaha.
Padayon nga mangin mataas ang tsansa sang pag ulan sa Visayas lakip na sa Negros Island tubtob bwas nga adlaw.