Sa latest weather advisory gikan sa PAGASA gina forecast nga naga pagwa na sa subong sa Philippine area of responsibility ang bagyo nga si Kristine.
Pero suno sa PAGASA sa Lunes, posible ini liwat nga magsulod sa PAR.
Sa Domingo naman gina paabot nga magsulod man sa PAR ang isa pa gid ka bagyo nga yara sa eastern portion sang Mindanao.
Kun makasulod na sa PAR tawgon ini nga #LeonPH. Ang isa pa gid ka LPA ang nag upod na sa circulation sang bagyo.
Sa pagtabuay sang duha ka bagyo, posible magluntad ang Fujiwara effect ukon ang pagbutungay sang duha ka mga bagyo sa sulod sang Pilipinas.
Pero ginapaabot nga indi ini maglawig. Si “Leon” gina forecast nga magapalayo sa Pilipinas kag si “Kristine” naman magahinay.
May mga areas sa gihapon nga napaidalom a tropical cyclone wind signal pero wala na sa Negros.
Pero mangin maulanon sa gihapon sa Negros Occidental kag southern portion sang Negros Oriental.