Isa na ka tropical storm ang bagyo nga may international name nga Bebinca. Ang Bebinca ang isa man ka delicacy sa Macau.
As of 10am kaina, yara na ini sa 1,825 kilometers east northeast sang Eastern Visayas.
May kabaskugon ini nga 85 km/hr. Ginapaabot nga posible magsulod ini sa PAR sa Biyernes sang hapon ukon gab-i.
Bisan wala pa makasulod sa PAR naga dala na ini sang ulan sa Eastern Visayas.
Sa subong, gina lantaw man nga indi ini mag-landfall sa Pilipinas pero gina pabaskog sang bagyo ang Hangin Habagat.
Sa bwas ginapaabot man sang PAGASA nga magadala ini sang ulan sa bilog nga Visayas kag mas mabaskog nga ulan pa gid sa Biyernes kag Sabado.
Kun magsulod na sa PAR ang bagyo pagatawgon na ini nga Ferdie.