Nahauna nga bagyo karon nga tuig ang ginalantaw magadala sang maulanon nga Semana Santa sa pungsod.
Naghuyang na ang low pressure area nga nagadala karon sang pag-ulan sa Visayas kag Mindanao.
Pero sandig sa weather advisory sang pag-asa, balantayan ang tropical depression ukon bagyo nga magasulod sa pungsod sa Lunes Santo.
Gani palaabuton man suno kay Joemarie Vargas, cluster head sang Bacolod City Disaster Risk Reduction Management Office ang maulanon nga semana santa bangud man sang nagapalapit nga bagyo nga hingadlan agaton.
Nagapati si Vargas nga posible indi magland fall ang bagyo.
Pero sa idalom sang heightened alert ang DRRMO upod sa mga barangay disaster alert teams ang maga monitor kag maga patrol sa mga lugar nga makabig flood prone areas pati na sa mga resorts kag coastal areas nga pagadagsaon sang tawo sa Semana Santa agud man makapangaman sa posible epekto sang bagyo.