Probinsya sang Negros Occidental ang isa sa mga nagbaton sang Bagong Pilipinas Mobile Clinic.
Suno kay Dr Girlie Pinongan ang Provincial Health Officer, pagagamiton sang probinsya sa mga medical mission kasubong man sa disaster response ang amo nga mobile clinic nga equipped sang state of the art facilities.
Sarang makapatuman sang mga laboratory tests ang amo nga mobile clinic.
Si First Lady Liza Marcos ang nagpanguna sa ginpatigayon nga ceremonial turn-over sa Cebu City.
Ginapasalamatan ni Governor Eugenio Jose Lacson ang amo nga proyekto nga maga hatag sang indi lamang sang labing kinahanglanon nga bulig medikal kundi isa man ka importante nga asset sa medical mission kag tion sang pag responde sa kalamidad.
Yadto man sa ceremonial turn-over ang mga DOH officials sa pag panguna ni USec Mary Ann Maestral.