Kaso sang dengue sa probinsya ang nagdangat na sa masobra 4,600 ukon masobra sa 286 percent nga mas mataas kun ipaanggid sa kasubong nga tion sang 2023.
Sa datus sang Provincial Health Office 4,673 ang dengue cases as of October 5.
Nagapabilin sa 13 ang dengue related deaths.
Ang siudad saang Bago ang may pinaka madamo nga recorded dengue cases – 476.
Suno kay Mayor Nicholas Yulo gina hugtan man sang siudad ang kampanya kontra dengue nalakip na diri ang pag patuman man sang fogging.
Pero suno kay Yulo wala sila naga untat sa pag pahangup sa pumuluyo nga dapat mag mangin matinlo sa palibot labi na ang pag monitor sa mga stagnant nga tubig.
Dapat ang mga gawi kag pamatasan para malikawan ang dengue suno sa iya ang ipatuman sang mga pumuluyo.
Ika duha naman sa may pinaka mataas nga kaso ang Hinoba-an, 353, ikatlo ang San Carlos City, 350, naga sunod ang Sagay City, 314 kag Talisay City 303 dengue cases.
Samtang ang Bacolod City may yara sang 1,694 cases kag apat naman ang dengue probable deaths.
Ang Brgy Taculing naman ang may pinaka madamo nga dengue cases sa mga barangay.
Sila ang nagtalana sang 400,000 pesos nga pondo para sa kampanya kontra dengue.