Sa ika duha nga sunod-sunod nga tuig, ang sustainable tourism practice sang Bago City ang naka sulod sa Top 100 Green Destinations list, nga isa ka international platform nga naga kilala sa pagpaninguha sang mga lugar para sa sustainable tourism development.
Ang entry sang siudad nga “Growing a Food Sufficient and Climate Smart Agroecological Destination” ang ginkilala bilang isa sa mga Green Destinations’ Top 100 Stories for 2023.
Si Bago City Senior Tourism Operations Officer Mae Ann Furtos ang nag tiglawas sa kay Mayor Nicholas Yulo kag nagbaton sang Green Destinations gikan kay President Albert Salman sa Green Destinations Top 100 Unveiling Ceremony sa Seaplane Harbour sa Tallinn, Estonia kahapon nga adlaw.
Si Furtos nga amo man ang sustainability coordinator for the Top 100 Stories ang nag siling nga ang entry sang siudad ang nagapakita nga sang Bago City bilang isa ka prime agroecological destination sa Negros Occidental.
September 2022, ang “Reviving the Majestic Diversity of the Bago Watershed” project sang Bago ang nalakip man sa Green Destinations Top 100 Stories list kag nangin third place sa mga finalists para sa 2023 Green Destinations Story Awards sa idalom sang Environment and Climate Category.