Digicast Negros

Bago City Agriculture Office ginsirad-an para sa disinfection

Talatapan sang City Agriculturist sa Bago City ang ginpasira subong nga adlaw para sa disinfection kag decontamination.

Suno kay Bago City Mayor Nicholas Yulo ini matapos magpositibo sa Covid 19 ang city agriculturist.

Padayon pa nga gina patigayon ang contact tracing. Sa announcement sang Bago Agriculture page
sa lunes magabalik bukas ang talatapan.

Samtang, nag pa gwa naman sang public address si Yulo angut sa Covid-19 situation sa siudad.

Ang datus suno sa iya ang maka alarma na ilabi na nga sa sulod sang anum ka bulan pa lamang sang 2021, 702 ang na re-cord nga Covid-19 cases, masobra sa duha ka pilo ang pagsaka kun ipaangid sa bilog nga tuig sang 2020, nga may 331 ka recorded cases.

Bahin naman sa Covid related deaths, as of June 17 suno kay Yulo 22 na ang na-record. Sa bilog nga tuig sang 2020, 16 ang napatay angut sa Covid-19.

Ang panawagan sang alkalde nga kuntani mangin responsable ang mga pumuluyo kag maghatag sang kooperasyon. Kun indi man lang importante, likawan na ang pag gwa sa balay kag indi magkalipat sa pagsunod sang minimum health protocol.

As of June 17, 119 ang active cases sang Bago City.

“Sa bilog nga tuig sang 202, 16 lang ang napatay. That is where it is alarming. And that’s why I am appealing to you all. Naga apelar ako sa aton mga pinalangga nga kasimanwa diri sa dakbanwa sang bago nga tinguhaon naton nga himuon naton aton responsibilidad nga indi na ini maglapta pa ang aton nga Covid-19 cases,” suno kay Yulo.

Exit mobile version
Skip to toolbar