Digicast Negros

Bag-o nga Vision ang Hearing Center nagbukas sa Bacolod

Linibo pa nga mga pasyente nga may cataract kag bungol ilabi na ang mga yara sa kaumhan ang sarang mabuligan dungan sa bag-o bukas nga Vision and Hearing Center sa Bacolod.

Sa sulod sang 31 na ka tuig, naglab-ot sa 713, 697 ang mga natigayon nga surgical operation sang Eye Hear Foundation ukon ang anay Cataract Foundation Philippines Incorporated.

Sa pagbukas sang Vision and Hearing Center sang foundation sa 21st street extension sa Barangay 5 sa Bacolod, nagpasalamat ang pamunuan sang foundation sa mga benefactors, ilabi na sa mga donors kag local government unit nga nagsuporta agud mabuligan ang mga persons with disability nga may diperensya sa mata kag pamatin-an.

Nagbuylog man sa pagsaulog sang foundation ang mga anay pasyente nga nabuligan sang libre sang mga specialista kag iban pa nga civic organization nga nangin kabahin sang foundation.

Ang iloy nga si Julia Arceña sang Barangay Tinampaan sang Cadiz City gin-upod ang iya anak nga si Glonny agud lang magpasalamat sa mga nagbulig agud matagaan sang libre nga hearing aid kag speech therapy ang ila anak.

Nagalaum naman si Governor Eugenio Jose Lacson upod sa pila pa ka mga local officials nga sa bulig sang partner organization sang Eye Hear Foundation madamo pa ang sarang mabuligan ilabi na ang yadtong naga-istar sa mga kaumhan.

Exit mobile version
Skip to toolbar