Madayon ang pagpatukod sang bag-o nga city hall sang Silay! Ini suno sa bag-o nga alkalde nga si Mayor Joedith Gallego pero imbes nga 1 billion pesos ang budget iya ini ginbuhinan sang katunga.
Mangin P500 million pesos na lang suno sa alkalde ang budget para sa bag-o nga city hall sa amo man sa gihapon nga location nga napilian sang nagligad nga administrasyon sa Barangay Rizal.
Ginpagamayan niya ang budget para ang iban nga pondo makadto sa pag rehabilitate sang merkado sang silay, pagpatukod sang city college kag sa pagpatukod sang sports complex.
Suno sa alkalde na aprubahan naman sang sangguniang panlungsod sang siudad ang amo nga mga proyekto kag naga hulat na lang sila sang approval sang bangko para sa loan nga nag lab-ot tanan sa 1.4 billion pesos.