Sa December sini nga tuig gina paabot nga iga turn-over na sang contractor ang New Administration Center Building nga napahamtang sa dalan Aguinaldo sa gobyerno probinsyal.
Ginsiling ni Governor Eugenio Jose Lacson nga nakabaton na siya sang tawag gikan sa Dynamic Builders and Construction Co. Inc. nga mahuman na nila ang halos P1 billion nga proyekto kag iga turn-over na ini sa probinsya.
Gina paabot nga ang mga talatapan sang gobyerno probinsyal ang iga saylo na sa pito ka panalgan nga building kun ini ang mangin operational na.
Sa pihak nga bahin, suno kay Lacson ang Dyanmic Builders ang indi na mag dayon sang iya sini nga 50 year lease agreement sa site sang daan nga PAC building nga sadto gina plano nga patukuran sang multi-use building sang tion ni anay Governor Alfredo Marañon, Jr.
Ginahulat ni Lacson ang pormal nga komunikasyon.
[sibwp_form id=1]