Wala sang trabaho kag klase bwas nga adlaw sa bilog nga probinsya sang Negros Occidental sa pag saulog sang ika-128 ka Al Cinco de Noviembre.
Ang bag-o lamang ginkilala nga mga Negrense nga national artist nga sanday Nunelucio Alvarado sa patag sang visual arts kag Teodoro Hilado sa patag sang theater, post humous, ang hatagan man sang award bilang Outstanding Negrosanons.
Ginsiling ni Negros Occidental Governor Eugenio Jose Lacson nga may programa sa aga sa Provincial Capitol Lagoon sa pag handuraw sang kadalag-an sang mga Negrense batuk sa mga Spanish colonizer.
Sa hapon sa Social Hall sang Provincial Capitol isa man ka programa ang hiwatan kun sa diin kilalahon ang top ten nga tax payers lakip na ang mga outstanding Negrosanon.
Sa mensahe ni Lacson padayon ang pagkilala sang mga baganihan. Ang mga modern day heroes sa karon naga lakip sang mga frontliners kag yadtong mga naga buhat sang kaayo sa iya nga isig katawo.
[sibwp_form id=1]