Paagi sa isa ka ordinansa nga gin-aprubahan sang Sanguniang Panlungsod sang Bacolod City, ginahaylo sini ang House of the Representatives kag Senado nga ipasa na ang mga bills may angut sa pagpasaka sang sweldo sang mga manunudlo, agud mangin laye na ini.
Suno kay Council Ceasar Distrito, suportado sang siudad ang House Bill 2081 nga pasakaon ang sweldo sang mga manunudlo sa Salary Grade 17, nga sa karun yara lang sa Salary Grade 11.
Luyag man sini nga mapatuman na ang iban pagid ka mga hagna para sa ikaayo sang mga manunudlo.
Pinakadako nga budget nga ginpain sang siudad sa sini nga tuig amo ang sektor sang edukasyon, apang kalabanan sa mga proyekto ang para sa ikaayo sang estudyante.
Dugang ni Distrito, nagakaangay lamang nga mahatagan man sang eksakto nga mga benepisyo ang manunudlo bangud nagasakripisyo man ang mga ini.
Sa nasambit nga ordinansa, luyag sang SP nga mangin 50,000 pesos ang starting salary sang mga manunudlo.
“If you expect a teacher to teach well sa ila mga estudyante kon ang ila mga mismo nga atensyon gakatunga sa proema sa balay, sa problema pinansyal, sa ila problema kon paano matabok ang ila pang adlaw adlaw at the same time ang ila obligasyon sa pagtudlo sa ila mga estudyante. By doing this the government is giving ample protection and support sa aton mga maestra”, suno kay Distrito.
[sibwp_form id=1]