May 10,000 housing units para sa mga informal settlers sang Bacolod ang ginatuyo sang Benitez Administration kaupod ang Department of Human Settlement and Urban Development.
Gani ginabulubanta sa P10 bilyones pesos ang kinahanglan para ini masugdan nga matukod sa madasun nga tuig.
Suno kay City Administrator Atty. Boyet Maghari, ginaduso sang Task Force pabahay ang pag avail sang loan nga sarang bayaran sa sulod sang 30 ka tuig.
Mga onsite medium rise building ang ginaplano nga itukod sang siudad sa Barangay Vista Alegre, Barangay Banago kag sa Reclamation Area para sa mga informal settlers ilabi ang yara sa ginakabig danger zones.
Sa madasun nga inadlaw ginapaabot ang MOA signing sa tunga sang siudad, DHSUD kag Pag-ibig para sa Pabahay Program.