Madamo pa sa gihapon nga mga barangay sa Bacolod ang apektado sang iligal nga droga.
Sa datos sang Philippine Drug Enforcement Agency, ang bacolod amo ang may pinakanubo nga drug cleared barangay sa bug-os nga Western Visayas.
13 lang sa 61 ukon 21% sang mga barangay sa siyudad ang na deklarar na bilang drug cleared.
Pahayag ni Lt Col Sherlock Gabana, spokesperson sang Bacolod City Police Office, may kabudlayan ang kapulisan sa pag clear sa barangay bangud sa masami nga naga saylo saylo ang mga drug pusher sa lain nga barangay ilabi na nga kun gina initan na sila sa ila gina tiniran nga barangay.
Dugang pa ni Gabana, indi man ma clear ang barangay kun may yara pa sang mga users, kag ang mga surrenders sa barangay ang wala pa naka undergo sang drug rehab.
Pero target sang BCPO subong nga tuig nga mag clear ang napulo pa ka dugang nga barangay kag ila na ginmando sa tagsa ka police station nga mag tutok sang isa ka barangay nga i drug clear.