Yara na sa 76 percent ang construction sang Bacolod MassKara Coliseum nga nahamtang sa Barangay Alijis, Bacolod City.
Ginsiling ni Bacolod Mayor Greg Gasataya, nga sa bulan sang Setyembre, matapos na ang ini nga pasilidad. Kompleto naman ang tanan nga gamit para sa pagtakod sang flooring kag mga elevators.
Hwebes sang aga, gin-inspect ni Gasataya kaupod sang mga tiglawas sang International Basketball Association ukon FIBA ang coliseum.
Luyag sang alkalde nga mangin venue ang ini nga coliseum para sa mga national kag international nga sport events bangud sarang ini maka accommodate sang 12,000 ka tawo.
Posible man suno sa alkalde nga sa diri na hiwaton ang Batang Pinoy 2026 sa Disyembre.
Damlag pa, ginhatagan na sang siudad sang final notice ang contractor sang amo nga coliseum agud mapadasig ang construction.*
[sibwp_form id=1]