Limitado sa P15,000 ang pondo nga natalana sa kada Bacolod Comprehensive Health Program cardholder.
Sa kasugtanan sang Bacolod City government kag duha ka pribado nga ospital, ang pondo ang kuhaon halin sa PhilHealth kag iban pa nga national government health care assistance grants.
Ginsiling si Mayor Albee Benitez nga magatalana man sang pondo ang siudad halin sa DSWD – Assistance to Individuals In Crisis program.
Tuyo pa sang alkalde ang “zero billing” ukon wala na sang mangin balayran pa ang indigent patient.
Suno kay City administrator Boyet Maghari, ang alkalde ang magahinyo sang bulig halin sa iban pa nga government agency para sa dugang nga pondo sa BacCHP kag mapasiguro nga wala na sang palaligban nga balayran ang mga Bacolodnon sa ila pagpa-ospital.
Sa karon nagasugod naman sa kabarangayan ang E-Consulta program nga kabahin sang preventive aspect sang BacCHP.