Bacolod LGU tinguhaan nga mapanagtag ang kapin P29M nga balor sang libre nga school supply sa pagbalik sang klase sa public school sa Hunyo 16.
Sa Hunyo 16 na magabukas ang klase sa mga pampubliko nga eskwelahan.
Gani ginapaabot ni Councilor Al Victor Espino nga sa madasun nga semana matigayon na ang bidding process para sa gintalana nga P29M nga pondo para ibakal sang libre nga mga school supply.
Sang nagligad nga tuig, may masobra sa 72,000 ka mga estudyante halin sa grade 1 asta grade 6 ang nakabaton sang libre nga mga notebook, papel kag coloring materials kag iban.
Sini nga tuig nadugangan ang pondo para sa libre nga school supply halin sa anay P14M pasaka sa P29M.
Dugang sa ginapaabot nga igapanagtag sa mga estudyante ang backpack.