Bacolod LGU nagpasalig nga safe ang mga billeting areas para sa NIRAAM kasunod sang linog kahapon

Ginpasiguro sang Bacolod City nga safe ang tanan nga mga public schools lakip na ang billeting areas matapos nga mabatyagan kagab-i sa siudad ang intentisity 2 nga pagtay-og tuga sang magnitude 4.8 nga linog sa iloilo.

Ginsiling ni Atty. Mark Steven Mayo, ang city administrator nga gilayon nga nagpatigayon kagab-i ang City Engineer’s Office kag City Disaster Risk Reduction Management Office sang rapid damage assessment and needs analysis agud sigurohon nga safe ang mga billeting areas nga tineran sang mga atleta nga nagapakigbahin sa Negros Island Region Athletics Association Meet.

Wala sang major damage nga nakit-an sa 12 ka mga billeting areas nga nahamtang sa siudad.

Ginklaro naman ni RJ Paglumotan, ang spokesperson sang DepEd Division of Bacolod nga wala sang may na-cancel nga mga hampang kagab-i.

Tanan nga mga naka-schedule nga hampang kahapon nga adlaw natapos na antes mag-linog.

May mga public kag private schools naman sa siudad ang nagpakamaayo nga nag suspend sang klase kag trabaho agud maghatag sang tion nga ma-inspect ang ila mga buildings.

Wala sang face-to-face nga klase sini nga Martes ang University of Negros Occidental Recoletos, La Consolacion College-Bacolod kag Bacolod City College.*

[sibwp_form id=1]