Ginsapul kahapon, sang Bacolod City Local Price Coordinating Council upod ang mga nagkalain-lain nga ahensya sang lokal nga gobyerno para sa pag patuman kag monitoring sang price freeze sang basic goods kag commodities.
Kaupod diri ang Department of Trade and Industry, Bacolod City Police Office, City Administrator’s Office, City Legal Office, kag iban pa nga key members sang council.
Ginpirmahan man ni Mayor Greg Gasataya ang Automatic Price Control (APC) nga ginamando sang RA 7581 ukon ang Price Act, nga nagasiling nga dapat gilayon ipatuman sa price freeze ang mga basic necessities sa lugar nga yara sa state of calamity.
Maga-coordinate man ang council sa pagtukod sang Joint Inspection Team nga maga-monitor kag magsiguro nga ang mga pampubliko nga merkado kag establisimento nga naga-baligya sang basic goods kag necessities nagasunod sa ginapatuman nga APC.*