Bacolod handa nga magbulig sa mga OFW sa Middle East nga makapauli kun maglala ang gamo

Handa nga maghatag sang bulig pinansyal ang siudad sang Bacolod sa mga pumuluyo sini nga Overseas Filipino Workers nga nagatrabaho sa Middle East kun mag mando na ang gobyerno nasyonal sang mandatory repatriation.

Ini angut sa nagapadayon nga kinagamo sa tunga sang Israel kaupod ang Estados Unidos kag sang Iran.

Ginsiling sang City Administrator nga si Atty. Mark Steven Mayo nga nagdangat na sa 30 tubtob 40 ka mga inquiries ang nabaton sang hotline kag help desk nga ginpahamtang sang siudad para sa may mga kabudlayan mag kontak sa ila mga himata sa Middle East.

Suno sa iya, 90 porsyento sa mga nagtawag kag nagpadulong sa ila talatapan ang nagapangayo sang bulig pinansyal agud i-plete sang ila himata pauli sa siudad kon maglala na gid ang sitwasyon didto.

May ara man mga OFW nga nagtawag sa siudad nga nagapangayo bulig bangud may kabudlayan sila sa Middle East nga magsaylo sa mga bomb shelters.

Nagpasalig naman si Mayo nga siudad na mismo ang magahulag agud ipalab-ot sa gobyerno nasyonal ang kahimtangan sang mga Bacolodnon nga OFW didto.

Sarang man nga makahatag ang siudad sang assistance para i-plete sang mga OFW kun mag-declare na ang Pilipinas sang mandatory repatriation.

Suno sa Department of Migrant Workers, wala pa magsaka ang alert level sa Middle East nga maga-require sa Pilipinas nga magpatuman sang repatriation.*

[sibwp_form id=1]