May gina-issue na nga safety seal para sa mga commercial establishment ang Department of Interior and Local Government, Department of Trade and Industry kag Department of Tourism upod sa mga local government unit.
Pero magluwas diri, plano man karon sang Bacolod Emergency Operation Center upod sa siudad nga hatagan sang vaccination seal ang mga commercial establishment nga fully vaccinated na ang mga empleyado.
Suno kay Em Ang, executive director sang EOC, indi man mangin requirement kasubong sang safety seal ang vaccination seal. Pero mangin dugang ini nga bentaha para sa mga negosyo ilabi na kasubong sang mga kalan-an agud man mas maganyat ang ila mga customer.
Sa pagnubo sang alert level sang Bacolod nagapati man si ang nga importante ini agud nga mas mapabaskog ang vaccination program batuk man sa posible pagluntad sang panibag-o nga surge ukon pagsaka sang Covid-19 cases.