Kapin sa 1,190 ka mga drayber sang jeep sa siudad sang Bacolod ang nakabaton na sang tag lima ka kilo nga bugas gikan sa lokal nga panguluhan sang Bacolod.
Ginsiling ni Mayor Greg Gasataya nga nagpa-in ang siudad sang 1.9 million pesos agud pundohan ang rice subsidy program nga nagalaum nga makabulig iban sa kabudlayan sang mga drayber bangud sa pagtimbook sang presyo sang gatong.
Nagapadayon pa kaina ang paghatag sang bugas sa mga drayber. Personal nga nagpadulong ang mga tiglawas sa siudad sa mga terminal agud mahatag ang amo nga bulig.
Suno kay Gasataya, kon masarangan pa sang pondo sang siudad, padayunon sini ang amo nga programa tubtob magbalik na sa normal ang presyo sang gatong.
Kon tigayon na nga matapos ang paghatag sang bugas sa mga jeepney drivers sini nga adlaw, sunod naman nga pagahatagan ang mga taxi drivers, PUV drivers, kag sa mga drayber sang Transport Network Vehicle Services ukon TNVS.
Ginapaabot man sang siudad nga magsugod ang paghatag sang 5,000 pesos nga ayuda gikan sa gobyerno nasyonal sa mga tricycle drivers sa siudad sa Miyerkules nga adlaw.*
[sibwp_form id=1]