City Legal Office Enforcement Team indi na maghatag extension sa natalana nga demolition sang mga balay sa Brgy.2 sa sini nga semana.
Nagpadulong kahapon sa Bacolod City Government Center si Punong Barangay Emelda Banguanga agud ihinyo ang pag- delay sang demolisyon sa mga pamalay sang informal settler families sa kilid sang Mambuloc Creek sakop sang Purok Lampirong sa Barangay 2.
Pero suno kay City Legal Officer Atty. Romeo Carlos Ting, Jr. indi na ma-extend sang katapo sang enforcement team ang natalana nga demolisyon sa sini nga semana bangud malawig naman nga na-delay ang construction sang floodwall kag revetment project sang Department of Public Works and Highways sa amo nga lugar.
Ginalaum ni Ting nga sugod bwas ma release na ang tig-P10,000 nga financial assistance para sa 32 ka mga ISF nga na-isyuhan sang notice to vacate.
Ini agud man maka-amat-amat na saylo ang mga na-awardan na sang relocation site sa Barangay Vista Alegre.