Digicast Negros

Bacolod City kag Negros Occidental padayon ang coordination angut sa protocol sa MassKara Festival

Nagpadala na sang ila nga medical technologist ang Bacolod City sa pag bulig angut sa pag patuman sang Covid protocol sa Bacolod-Silay Airport.

Karon nga naga hilapit na ang MassKara Festival kag gina paabot ang pag dagsa sang mga bisita, padayon ang pagpakig angut sang siudad sang Bacolod kag Negros Occidental angut sa pag patuman sang coordinated protocol.

Suno kay Provincial Health Officer, Dr Ernell Tumimbang, nalakip na diri ang pag augment sang Bacolod paagi sa pag padala sang ila nga medtech sa pagpatigayon sang swabbing sa mga naga abot sa Bacolod-Silay airport nga maga padulong sa Bacolod nga wala nabakunahan ukon indi fully vaccinated.

Ang mga maga positibo sa Rapid Antigen Test suno sa iya ang gina paidalom sa isolation.

Ang probinsya ang naga lantaw man sang paagi nga maka augment ang ila nga team sa Bredco Port nga yara naman sa idalom sang jurisdiction sang Bacolod.

Exit mobile version
Skip to toolbar