Opisyal na nga ginbuksan ang tatlo ka adlaw nga Bacolod Chicken Inasal Festival 2026 paagi sa isa ka seremonya nga ginhiwat sa Manokan Country sa SM City Bacolod.
Ginahiwat ang festival sa tatlo ka mga dalagko nga malls sa siudad.
Ginsiling ni Bacolod City Mayor Greg Gasataya, nga nagpasa na ang siudad sang application para sa UNESCO Creative Cities of Gastronomy for 2027.
Gintanyag man sang siudad sa amo nga application ang Bacolod Chicken Inasal nga suno sa iya, sarang nga mapasundayag sa bug-os nga kalibutan.
Dugang pa niya, ang mga festival kaangay sini ang makabulig man sa mga vendors sa siudad ilabi na sa mga tenants sang Manokan Country bangud ini ang isa sa mga naga ganyat sang mga turista.
Sa Sabado las 4 sang hapon, may pito ka mga barangay ang magapasundayag sa Float Competition kag Festival Dance Competition sa The UpperEast sang Megaworld.
2009, sang ginhiwat ang pinakauna nga Bacolod Chicken Inasal Festival sa siudad.*
[sibwp_form id=1]