Naga-angkas sa motorsiklo ang 48-anyos nga babaye sang sila ang nabungguan sang mixer truck sa dalan Araneta, sakop sang Barangay Tangub sa Bacolod City, Sabado sang hapon.
Natumba ang Honda ADV nga ginamaneho ni alyas “Joan”, 39-anyos, taga Zamboanga kag nagtabog ang iya angkas nga si alyas “Nemesia”, residente sang Canlaon City.
Didto kag nalapakan sang mixer truck si alyas “Nemesia” nga amo ang gintunaan sang iya kamatayon.
Temporaryo nga gin-detain sa custodial facility sang Station 8 ang driver sang mixer truck nga si alyas “Remy” nga taga Talisay City sa Negros Occidental.
[sibwp_form id=1]