Nagpadulong sa Police Station 5 sa Barangay Granada sa Bacolod City ang 31-anyos nga babaye agud kuntani bisitahon kag dal-an sang pagkaon ang iya na-preso nga live-in partner, mga pasado las kwatro sang hapon, sadtong Domingo.
Apang sa routine inspection, may nahulog nga improvised tooter halin sa payong sang babayi nga ginkilala kay alyas "Girlie", taga Brgy. 29 sa Bacolod.
Sang ginrikisa, nakuha pa gid sa babayi ang isa ka pakete sang suspected shabu.
Napreso ang partner sang babayi sa kaso may angut sa iligal nga droga matapos madakpan sa buy-bust.
Nagwa sa imbestigasyon nga para kuntani sa iya partner ang balon sang babayi nga iligal nga droga.
Sa karon, pareho nga na-detain ang magkahagugma sa custodial facility sang Station 5.
Napasaka subong nga Martes ang kaso nga illegal possession of drugs and paraphernalia batuk sa babayi.
[sibwp_form id=1]