Babaye nasapwan sa higad sang dalan kag may tissue pa ang baba.
Suno sa biktima gin sakay siya van sang wala niya makilala nga persona kag nalipungan siya.
Nasapwan sang kagab-i ang isa ka babaye nga naga higda sa kilid sang highway nga may tissue paper ang baba kag gin tabunan sang panyo.May pilas man ang iya sini duha ka kamot nga gin markahan sang X.
Sa pag pangusisa sang Talisay PNP, maga deposito kuntani sa bangko sang P15,000 ang biktima mga las 10 sang aga sang Hwebes sang hinali na lang siya ginpalapitan sang isa ka persona kag may gin spray sa iya amo kun ngaa nag lingin ang iya ulo kag ginpasakay siya sa van.
Nadulaan ini sang animo suno sa pulis kag sa pag bugtaw niya wala na ang iya kwarta pati na mga cellphone kag ginhulog siya sa kilid sang highway.
Gina usisa pa sang PNP ang mga alegasyon sang amo nga babaye.