Patay ang 53-anyos nga mangunguma matapos nga gintiro sang iya nga pakaisa sa Sitio Balungay, Brgy. Montilla banwa sang Moises Padilla, Miyerklues sang hapon.
Suno sa kay Police Lieutenant Arnolfo Robles ang Deputy Chief of Police sang Moises Padilla PNP, nagpadulong ang biktima nga si Danilo Basa sa iya nga uma kag nagkitaay sila sang suspek nga si Donnie Rey Valencia, nga nagresulta sa pagbinaisay angut sa boundary sang ila duta.
Suno sa PNP may bitbit nga pusil ang suspek kag gintiro sang makaduha ka beses ang biktima.
Naigo sang bala sa dughan ang biktima nga nagresulta sa iya kamatayon.
Gilayon man nga nadakpan ang suspek nga pasakaan sang kaso nga homicide ang suspek.