Authority to sign sa proposed Memorandum of Understanding sang siudad kag Chinese firm para sa ginadihon nga manufacturing plant sang electric public utility vehicle ang gin-aprobahan sang konseho.
Sa special session sang Sangguniang Panlungsod unanimously approved ang ginhinyo ni Mayor Albee Benitez nga authority to sign para sa Memorandum of Understanding sa tunga sang Bacolod City Government kag Jiangsu Fengchuen New Energy Power Technology Co. Ltd. ang aprobado sang konseho.
Suno kay Councilor Al Victor Espino nga sandig sa MOU ang siudad ang maga-assist kag maga-facilitate sa pagkuha sang permit sang kumpanya para man sa igatukod nga electric vehicle charging stations sa siudad.
Sa Marso natalana nga magabalik liwat sa Bacolod ang mga tiglawas kag opisyal sang kumpanya para sa test run sang mga electric public utility vehicle.
Sa pagbisita ni Mayor Benitez sa China upod kay Presidente Ferdinand Marcos, Jr. ginduso sang Chinese firm ang plano nga magtukod sang manufacturing plant sang electric vehicle sa siudad kabahin sang ila P10B investment.
Plano sang kumpanya nga mag-supply sang electric vehicle sa pila pa ka mga pungsod sa Southeast Asia.