Agosto 22 na maga bukas ang klase para sa School Year 2022-2023. Ini base sa DepEd Order nga ginpa gwa ni DepEd Secretary Sara Duterte.
Sa amo man nga mando naka saad nga sa Nobyembre magasugod na ang full face-to-face classes.
Paathag ni Ian Arnold Arnaez ang spokesperson sang Deped – Negros Occidental, humalin August 22 ukon sa pag bukas sang klase tubtob sa Oktubre 31, ang maga serbe nga transition period padulong sa full implementation sang face-to-face classes nga maga sugod naman Nobyembre 2.
Sa amo nga order ang mga public kag private schools sa basic education sarang maka patuman sang distance kag blended learning tubtob lamang sa October 31. Sa amo nga order naka saad man nga wala sang eskwelahan nga maga patuman sang puro nga distance learning ukon blended learning. Ini magluwas na lamang sang mga nagapatuman sang alternative delivery modes.
Ang alternative delivery modes naga tumod sa instructional ukon learning modalities nga wala istrikto nga naga sunod sa typical set-up para sa regular classroom instruction. Nagalakip ini sang homeschooling, modified in-school off-school approach, kag night and open high schools.
Ang Department Order ang applicable ano man ang mangin alert level status nga ipatuman sang IATF sa mga lugar kun diin napahamtang ang mga eskwelahan.
Sa kabilugan 203 ang school days kag maga tapos ini July 7, 2023. Samtang, nag sapol na si Gobernador Eugenio Jose Lacson sa DepEd – Negros Occidental kag Provincial Health Office bahin diri.
Damlag pa ginsiling na ni Lacson nga nagapabilin nga manubo ang kadamuon sang mga kabataan nga nabakunahan.