Nagpapanaug si Bacolod Mayor Greg Gasataya sang 60 ka adlaw nga preventive suspension batuk sa Assistant Department Head sang General Services Office, nga si Andre Familiaran.
Suno kay City Legal Officer Karol Joseph Chiu, ang preventive suspension may angut sa mass falsification sang mga dokumento para makakuha sang GSIS loan ang nga empleyado.
Ginpahayag man ni Chiu nga nagdesisyon ang alkalde nga magpasaka sang formal charges batuk kay Familiaran nga 32 counts sang administrative cases, nga nagalakip sang Serious Dishonesty, Grave Misconduct, kag Conduct Prejudicial to the Best Interest of the Service.
May formal charges man nga ipasaka batuk sa 32 ka mga regular nga empleyado sang GSO nga nag-avail sang loan pinaagi sa pag retoke sang ila nga sweldo sa mga dokumento.
Hwebes sang aga, ginserbe na ang dokumento kag nabaton dayon ni Familiaran, kag nag-umpisa man subong nga adlaw ang iya suspension.*